· ProFinance Consulting
Жарияланым 2024 жылғы редакциясында сақталған. Жарияланған күннен кейінгі заңнама өзгерістері мәтінде ескерілмеген.
ҚР «Коллекторлық қызмет туралы» заңы 2017 жылғы 6 мамырда қабылданып, 2017 жылғы 2 маусымда күшіне енді. Осы уақытқа дейін бұл заңға көптеген өзгерістер мен толықтырулар енгізілді.
Бұл заң Қазақстандағы коллекторлық қызметті реттейді, борышкерлердің құқықтары мен мүдделерін және жосықсыз әрекеттерден қорғалуын қамтамасыз етеді. Сондай-ақ коллекторлық ұйымдардың қызмет жүргізу қағидаларын, заңды өкілеттіктері мен жауапкершілігін белгілейді.
Осы заңның 4-бабына сәйкес коллекторлық қызмет кредиторға берешекті сотқа дейін өндіріп алу және реттеу, сондай-ақ берешекке байланысты ақпарат жинау қызметтерін көрсету нысанасы болып табылатын шарт негізінде жүзеге асырылады.
Заңның 5-бабының 2-тармағында белгіленгендей, коллекторлық агенттіктің борышкермен және/немесе оның өкілімен өзара іс-қимылы мынадай тәртіппен жүргізілуі тиіс:
- егер борышкер коллекторлық агенттікке жеке жүгінгенде өзге уақытты белгілемесе, жұмыс күндері борышкердің тұрғылықты, орналасқан немесе тіркелген жерінің уақыты бойынша сағат 8.00-ден 21.00-ге дейін;
- коллекторлық агенттіктің бастамасымен борышкердің тұрғылықты, орналасқан немесе тіркелген жерінде не коллекторлық агенттіктің (филиалының, өкілдігінің) орналасқан жеріндегі үй-жайында жеке байланыс кезінде аптасына 3 (үш) реттен және жұмыс күндері сағат 8.00-ден 21.00-ге дейінгі аралықта 1 (бір) реттен артық емес;
- коллекторлық агенттіктің бастамасымен телефон арқылы сөйлесу жұмыс күндері сағат 8.00-ден 21.00-ге дейінгі аралықта 3 (үш) реттен артық емес.
Бұл заңның негізгі қағидаттары:
- борышкерлердің құқықтарын қорғау;
- өзара іс-қимылдың адалдығы мен ашықтығы;
- қарыз өндіріп алудың жосықсыз әдістеріне тыйым салу.
Коллекторлық агенттіктер ҚНРДА Басқармасының 2020 жылғы 30 наурыздағы «Коллекторлық агенттіктерді есептік тіркеуден өткізу және олардың тізілімін жүргізу қағидаларын бекіту туралы» №49 қаулысының талаптарына сәйкес міндетті түрде есептік тіркеуден өтуі тиіс.